सन बायो बेव्हीगार्ड (Beauveria bassiana / Beauveria brongniartii)
Beauveria bassiana/brongniartii (1 x 108 Cells / ml)
सन बायो बेव्हीगार्ड हे एक जैविक कीडनाशक असून यामधील बुरशी पांढरी माशी, मावा, तुडतुडे, फुलकीडे, उडद्या, हुमणी, खोडकीड, शेंडेअळी, बोंडअळी यासारख्या किडींच्या नियंत्रणाकरीता प्रभावी आहे. रासायनिक किटकनाशकांना दाद न देणार्‍या किटकांच्या नियंत्रणासाठी सन बायो बेव्हीगार्ड हा एक उत्तम पर्याय आहे. सन बायो बेव्हीगार्ड चा वापर कापूस, सर्व प्रकारचा भाजीपाला व फळपीके यांच्यावर येणार्‍या किडींसाठी प्रामुख्याने होतो.
सन बायो बेव्हीगार्ड ची कार्यपद्धती
- सन बायो बेव्हीगार्ड ची फवारणी केल्यानंतर यामधील बुरशीचे बीजकण किडीच्या अंगास चिकटतात किंवा किडींच्या अंगावरील केसांत अडकतात.
- हवेतील ओलावा, पिकांच्या पानांमधून तसेच जमिनीतून होणारे पाण्याचे बाष्पीभवन यांचा उपयोग करून सन बायो बेव्हीगार्ड मधील बुरशीचे बीजकण कीडींच्या अंगावर वाढून किडींच्या शरीरात शिरतात.
- कीडींच्या शरिरातील रसाचा उपयोग करून सन बायो बेव्हीगार्ड मधील बुरशीचे बीजकण स्वतःची वाढ करून घेतात व किटकांचे शरीर या वाढीने भरून जाते यामुळे किटकांच्या शरीराला कडकपणा येऊन त्यांचा मॄत्यू होतो.
- कीटकांच्या शरीरावर व शरीराच्या आत वाढ होताना हे बीजकण विविध प्रकारची विषारी द्रव्ये किडींच्या शरीरामध्ये सोडतात. यामुळे किडी रोगग्रस्त होऊन त्यांचे नियंत्रण होते.
- रासायनिक किटकनाशकांना दाद न देणार्‍या जाड त्वचेच्या किडींच्या नियंत्रणासाठी सन बायो बेव्हीगार्ड प्रभावी आहे.
वापरण्याचे प्रमाण
रसशोषक किडींसाठी
फवारणीमधून
५ मिली सन बायो बेव्हीगार्ड प्रती लिटर पाण्यामध्ये मिसळून सकाळी लवकर किंवा संध्याकाळी उशीरा फवारणी करावी. हवामान कोरडे असल्यास योग्य आर्द्रता राहण्यासाठी फवारणीनंतर लगेच पिकास पाणी द्यावे.
हुमणीसाठी
जमिनीतून
प्रती एकर १ लिटर सन बायो बेव्हीगार्ड ५० - १०० किलो चांगल्या कुजलेल्या शेणखतामध्ये मिसळून द्यावे.
ठिबक सिंचनामधून
प्रती एकर १ - २ लिटर सन बायो बेव्हीगार्ड ठिबक सिंचनाद्वारे मुळांशी द्यावे.
आळवणीसाठी
५ - १० मिली सन बायो बेव्हीगार्ड प्रती लिटर पाण्यामध्ये मिसळून आळवणी करावी.
सन बायो बेव्हीगार्ड वापरण्याच्या ३-५ दिवस अगोदर व नंतर कुठल्याही रासायनिक बुरशीनाशकाचा वापर करू नये.
उपलब्धता
१००० मिली / ५००० मिली