फायदे

• गांडूळ खतामध्ये पिकांना आवश्यक असणारी सर्व अन्नद्रव्ये असतात.
• पिकांच्या एकंदर वाढीमध्ये परिणामकारक रित्या वाढ होते. नवीन पाने, फुले तसेच फांदयाची वाढ होऊन उत्पादनाचा दर्जा आणि साठवण क्षमता वाढते.
• गांडूळखत वापरण्यास अत्यंत सोपे असून हाताळणी व साठवणूकीस सुरक्षीत आहे. याला कुठल्याही प्रकारची दुर्गंधी येत नाही.
• गांडूळ खतामुळे जमीनीची जडणघडण, भुसभुसशीतपणा, जलधारणाशक्ती वाढून मातीची धूप कमी होते.
• गांडूळ खतामध्ये अन्नद्रव्य उपलब्ध करुन देणारे तसेच सेंद्रीय पदार्थ वेगाने कुजवीणारे सूक्ष्मजीव भरपूर प्रमाणात आढळतात.
• गांडूळ खतांमुळे जमीनीमध्ये गांडूळांची संख्या तसेच कार्यक्षमता वाढीस लागते.
• मातीमधून होणारा अन्नद्रव्यांचा –हास रोखला जाऊन वापरलेल्या रासायनिक खतांची कार्यक्षमता वाढते.
• गांडूळ खतामध्ये कुठल्याही प्रकारचे हानीकारक सुक्ष्मजीव, विषारी पदार्थ तसेच तणांचे बी इ. नसतात.
• गांडूळ खताच्या वापराने कीड व रोगांचा प्रादूर्भाव कमी होतो.
• जमीनीतील सेंद्रीय पदार्थ कुजवीण्याची प्रक्रीया वेगाने होते.
• अन्नद्रव्यांव्यतीरीक्त पिकांना आवश्यक असणारी संजीवके, संप्रेरके गांडूळ खतामध्ये असतात.